Tiket Simpang Haru - Tabiang

Lah banyak perubahan dan kemajuan kereta api kito, sibinuang. Kereta api jurusan Padang - Pariaman. Dulu awal-awal mulai baoperasinyo, langang. Nomor kursi indak ditantukan. Dima taragak, duduaklah di sinan. Kok ka duduak maunjue kaki ka bangku mungko, bisa. Lapang. Kok ado nan marokok, indak ado larangan. Banyak pengamen sarato pedagang asongan.


Kini, duduak harus sasuai jo nomor nan ado di tiket. Marokok jo pengamen alah dilarang. Gerbong panuah. Ijankan ka duduak maunjue, tagak pun indak buliah, kalau indak punyo tiket. Ado namonyo tiket tagak, karano kuota tiket duduak abis.

Tadi, di stasiun Simpang Haru, jadwal barangkek jam 9.00 WIB, ambo tibo jam 8.30. Tiket lah abih, tamasuak tiket tagak. Kecek petugasnyo, kuota tiket tagak hanyo 50%. Tamanuang ambo disinan.
Ado ibuk2 nan mambana. Inyo minta ka petugas, "Agiahlah kami tiket pak, sampai Tabiang jadi juo tu. Anak ambo taragak naiak kereta."

Dek petugas ko maraso ibo, inyo kaluakan lah tiket Simpang Haru - Tabiang. Kami (sekitar 7 urang) nan alun dapek tiket ko mandakek pulolah ka situ. Dari pado harus duo kali nyambuang oto, labiah murah naiak kareta. Awak harus ka Tabiang juo, naiak bus Alisma.

Pas tibo di stasiun Tabiang, ambo turun. Eh, tanyato ambo surang je nan turun. Urang nan lain tadi purak2 lupo je.. Ah, bialah.. Kok tabayia maha bus Alisma, kan lai bus urang awak juo..